ᠶᠠᠫᠤᠨ ᠤᠯᠤᠰ ᠲᠤ ᠣᠷᠤᠰᠢᠨ ᠰᠠᠭᠤᠵᠤ ᠪᠠᠢᠢᠭᠠ ᠪᠦᠬᠦ ᠭᠠᠳᠠᠭᠠᠳᠤ ᠶᠢᠨ ᠢᠷᠭᠡᠳ ᠤᠨ ᠠᠩᠬᠠᠷᠤᠯ ᠳᠤ 2012 ᠣᠨ ᠦ 7 ᠰᠠᠷᠠᠢ᠋ᠨ 9 ᠡᠴᠡ ᠡᠬᠢᠯᠡᠨ ᠣᠷᠤᠰᠢᠨ ᠰᠠᠭᠤᠬᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠰᠢᠰᠲ᠋ᠧᠮ ᠢ ᠰᠢᠨᠡᠴᠢᠯᠡᠵᠦ ᠪᠠᠢᠢᠭᠠ ᠲᠠᠢ ᠬᠣᠯᠪᠤᠭᠳᠠᠭᠤᠯᠤᠨ 《 ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ 》 ᠢ᠋ ᠬᠡᠷᠡᠭᠯᠡᠵᠦ ᠡᠬᠢᠯᠡᠬᠦ ᠪᠦᠭᠡᠳ ᠭᠠᠳᠠᠭᠠᠳᠤ ᠶᠢᠨ ᠢᠷᠭᠡᠨ ᠦ ᠪᠦᠷᠢᠳᠬᠡᠯ ᠤᠨ ᠳᠦᠷᠢᠮ ᠪᠤᠶᠤ ᠭᠠᠳᠠᠭᠠᠳᠤ ᠢᠷᠭᠡᠨ ᠦ ᠪᠦᠷᠢᠳᠭᠡᠯ ᠤᠨ ᠭᠡᠷᠡᠴᠢ ᠶᠢ ᠬᠡᠷᠡᠭᠯᠡᠭᠡᠨ ᠡᠴᠡ ᠭᠠᠷᠭᠠᠬᠤ ᠪᠣᠯᠤᠨᠠ᠃ 《 ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ 》 ᠅ ᠬᠠᠮᠢᠶᠠᠷᠤᠭᠳᠠᠬᠤ ᠡᠲᠡᠭᠡᠳ: ᠶᠠᠫᠤᠨ ᠤᠯᠤᠰ ᠲᠤ 3 ᠰᠠᠷᠠ ᠡᠴᠡ ᠢᠯᠡᠭᠦᠦ ᠬᠤᠭᠤᠴᠠᠭᠠ ᠪᠠᠷ ᠣᠷᠤᠰᠢᠨ ᠰᠠᠭᠤᠬᠤ ᠡᠷᠭᠡ ᠪᠦᠬᠦᠢ ᠭᠠᠳᠠᠭᠠᠳᠤ ᠶᠢᠨ ᠢᠷᠭᠡᠳ ᠲᠤ ᠣᠯᠭᠤᠬᠤ ᠪᠣᠯᠤᠨᠠ᠃ ᠂ ᠲᠦᠷ ᠵᠠᠭᠤᠷᠠ ᠶᠢᠨ ᠦᠯᠡᠳᠡᠬᠦ ᠡᠷᠭᠡ᠂ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠ ᠪᠤᠶᠤ ᠠᠯᠪᠠᠨ ᠶᠣᠰᠤᠨ ᠪᠠᠷ ᠦᠯᠡᠳᠡᠬᠦ ᠡᠷᠭᠡ ᠲᠠᠢ ᠬᠦᠮᠦᠰ ᠲᠤ ᠣᠯᠭᠤᠬᠤ ᠦᠭᠡᠢ᠃ ᠂ ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠬᠤ ᠲᠤᠰᠬᠠᠢ ᠡᠷᠬᠡ ᠲᠠᠢ ᠬᠦᠮᠦᠰ ᠲᠤ ᠪᠣᠯ᠂ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠤᠨ ᠣᠷᠤᠨ ᠳᠤ ᠣᠷᠤᠰᠢᠨ ᠰᠠᠭᠤᠬᠤ ᠲᠤᠰᠬᠠᠢ ᠡᠷᠬᠡ ᠶᠢᠨ ᠭᠡᠷᠡᠴᠢᠯᠡᠯᠭᠡ ᠣᠯᠭᠤᠨᠠ᠃ ᠅ ᠲᠡᠮᠳᠡᠭᠯᠡᠬᠦ ᠠᠭᠤᠯᠭᠠ: ᠲᠤᠰ ᠦᠨᠡᠮᠯᠡᠯ ᠤᠨ ᠺᠠᠷᠲ᠋ᠠᠨ ᠳᠤ ᠴᠡᠭᠡᠵᠢ ᠵᠢᠷᠤᠭ ᠡᠴᠡ ᠥᠭᠡᠷᠡ᠂ ᠣᠪᠤᠭ ᠨᠡᠷᠡ᠂ ᠤᠯᠤᠰ ᠣᠷᠤᠨ᠂ ᠲᠥᠷᠦᠭᠰᠡᠨ ᠡᠳᠦᠷ᠂ ᠬᠦᠢᠰᠦ᠂ ᠣᠷᠤᠰᠢᠨ ᠰᠠᠭᠤᠬᠤ ᠡᠷᠭᠡ᠂ ᠣᠷᠤᠰᠢᠨ ᠰᠠᠭᠤᠬᠤ ᠬᠤᠭᠤᠴᠠᠭᠠ᠂ ᠠᠵᠢᠯᠯᠠᠬᠤ ᠡᠷᠬᠡ ᠲᠠᠢ ᠡᠰᠡᠭᠦ ᠵᠡᠷᠭᠡ ᠮᠡᠳᠡᠭᠡᠯᠡᠯ ᠢ ᠪᠠᠭᠳᠠᠭᠠᠨᠠ᠃ ᠅ ᠬᠦᠴᠦᠨ ᠲᠠᠢ ᠬᠤᠭᠤᠴᠠᠭᠠ: 16 ᠡᠴᠡ ᠳᠡᠭᠡᠭᠰᠢ ᠨᠠᠰᠤᠲᠠᠢ 16 ᠡᠴᠡ ᠳᠣᠷᠤᠭᠰᠢ ᠨᠠᠰᠤᠲᠠᠢ ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠭᠴᠢᠳ ᠣᠯᠭᠤᠭᠰᠠᠨ ᠡᠳᠦᠷ ᠡᠴᠡ 7 ᠵᠢᠯ 16 ᠨᠠᠰᠤᠨ ᠦ ᠲᠥᠷᠦᠭᠰᠡᠨ ᠡᠳᠦᠷ ᠬᠦᠷᠲᠡᠯᠡ ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠭᠴᠢᠳ ᠡᠴᠡ ᠪᠤᠰᠤᠳ ᠪᠠᠢᠢᠬᠤ ᠬᠤᠭᠤᠴᠠᠭᠠ ᠳᠠᠭᠤᠰᠬᠤ ᠬᠦᠷᠲᠡᠯᠡ ᠪᠠᠢᠢᠬᠤ ᠬᠤᠭᠤᠴᠠᠭᠠ ᠳᠠᠭᠤᠰᠬᠤ ᠡᠰᠡᠪᠡᠯ 16 ᠨᠠᠰᠤᠨ ᠦ ᠲᠥᠷᠦᠭᠰᠡᠨ ᠡᠳᠦᠷ ᠬᠣᠶᠠᠷ ᠤᠨ ᠠᠯᠢ ᠲᠦᠷᠦᠭᠦᠯᠬᠦ ᠬᠦᠷᠲᠡᠯᠡ ᠨᠢ ᠅ ᠣᠯᠭᠤᠬᠤ ᠭᠠᠵᠠᠷ: ᠂ ᠣᠷᠤᠨ ᠨᠤᠲᠤᠭ ᠲᠤ ᠪᠠᠢᠢᠭᠠ ᠤᠯᠤᠰ ᠲᠤ ᠣᠷᠤᠬᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠭᠠᠵᠠᠷ: ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠢ 2012 ᠣᠨ ᠦ 7 ᠰᠠᠷᠠᠢᠢᠨ 9 ᠡᠴᠡ ᠡᠬᠢᠯᠡᠨ ᠨᠠᠷᠢᠲ᠋ᠠ᠂ ᠬᠠᠨᠡᠳᠠ᠂ ᠴᠢᠶᠤᠪᠤ᠂ ᠺᠠᠨᠰᠠᠢ ᠵᠡᠷᠭᠡ ᠨᠢᠰᠭᠡᠯ ᠤᠨ ᠪᠠᠭᠤᠳᠠᠯ ᠤᠳ ᠲᠤ᠂ ᠳᠤᠮᠲᠠ ᠪᠣᠯᠤᠨ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠣᠷᠤᠰᠢᠨ ᠰᠠᠭᠤᠬᠤ ᠵᠥᠪᠰᠢᠶᠡᠷᠡᠯ ᠲᠠᠢ ᠢᠷᠭᠡᠳ ᠲᠤ ᠣᠯᠭᠤᠵᠤ ᠡᠬᠢᠯᠡᠨᠡ᠃ ᠬᠠᠷᠢᠨ ᠡᠳᠡᠭᠡᠷ ᠡᠴᠡ ᠪᠤᠰᠤᠳ ᠬᠢᠯᠢ ᠪᠠᠷ ᠣᠷᠤᠵᠤ ᠭᠠᠷᠴᠤ ᠪᠠᠢᠢᠭᠠ ᠢᠷᠭᠡᠳ ᠲᠤ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠢ ᠨᠢ ᠶᠠᠫᠤᠨ ᠤᠯᠤᠰ ᠲᠤ ᠣᠷᠤᠵᠤ ᠢᠷᠡᠬᠦ ᠦᠶᠡ ᠳᠤ ᠪᠦᠷᠢᠳᠬᠡᠭᠦᠯᠦᠭᠰᠡᠨ ᠬᠠᠶᠢᠭ ᠶᠢᠡᠷ ᠨᠢ ᠲᠤᠬᠠᠢ ᠶᠢᠨ ᠬᠣᠲᠠ ᠶᠢᠨ ᠪᠦᠷᠢᠳᠭᠡᠯ ᠤᠨ ᠭᠠᠵᠠᠷ ᠡᠴᠡ ᠨᠢ ᠪᠠᠲᠤᠯᠭᠠᠲᠠᠢ ᠰᠢᠦᠳᠡᠨ ᠶᠢᠡᠷ ᠶᠠᠪᠤᠭᠤᠯᠤᠨᠠ᠃ ᠨᠠᠷᠢᠨ ᠪᠠᠢᠢᠳᠠᠯ ᠢ ᠪᠣᠯ᠂ ᠣᠷᠤᠨ ᠨᠤᠲᠤᠭ ᠲᠤ ᠪᠠᠢᠢᠭᠠ ᠤᠯᠤᠰ ᠲᠤ ᠣᠷᠤᠬᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠣᠪᠴᠢᠶᠠ᠂ ᠰᠠᠯᠪᠤᠷᠢ ᠲᠣᠪᠴᠢᠶᠠ ᠡᠰᠡᠪᠡᠯ ᠪᠦᠷᠢᠳᠭᠡᠯ ᠤᠨ ᠭᠠᠵᠠᠷ ᠡᠴᠡ ᠯᠠᠪᠯᠠᠭᠠᠷᠠᠢ᠃ ᠅ ᠬᠡᠵᠢᠶᠡ ᠭᠠᠳᠠᠭᠠᠳᠤ ᠶᠢᠨ ᠢᠷᠭᠡᠨ ᠦ ᠪᠦᠷᠢᠳᠭᠡᠯ ᠤᠨ ᠭᠡᠷᠡᠴᠢ ᠪᠠᠨ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠶᠢᠡᠷ ᠰᠣᠯᠢᠬᠤ ᠪᠣᠢ ? ᠂ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠢ ᠣᠯᠭᠤᠲᠠᠯᠠ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠭᠠᠳᠠᠭᠠᠳᠤ ᠢᠷᠭᠡᠨ ᠦ ᠪᠦᠷᠢᠳᠭᠡᠯ ᠤᠨ ᠭᠡᠷᠡᠴᠢ ᠶᠢ ᠭᠡᠷᠡᠭᠯᠡᠵᠦ ᠪᠠᠢᠢᠵᠤ ᠪᠣᠯᠬᠤ ᠮᠥᠷᠳᠡᠭᠡᠨ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠲᠠᠢ ᠠᠳᠠᠯᠢ ᠵᠣᠷᠢᠯᠭᠠ ᠪᠠᠷ ᠠᠰᠢᠭᠯᠠᠵᠤ ᠪᠠᠢᠢᠵᠤ ᠪᠣᠯᠤᠨᠠ᠃ ᠵᠠᠪᠠᠯ ᠰᠢᠭᠤᠳ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠪᠠᠨ ᠠᠪᠬᠤ ᠱᠠᠭᠠᠷᠳᠠᠯᠠᠭᠠ ᠦᠭᠡᠢ ᠭᠡᠰᠡᠨ ᠦᠭᠡ᠃ ᠂ ᠣᠷᠤᠰᠢᠨ ᠰᠠᠭᠤᠬᠤ ᠬᠤᠭᠤᠴᠠᠭᠠ ᠪᠠᠨ ᠰᠤᠩᠭᠠᠭᠤᠯᠬᠤ ᠦᠶᠡ ᠳᠤ᠂ ᠤᠯᠤᠰ ᠲᠤ ᠣᠷᠤᠬᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠭᠠᠵᠠᠷ ᠡᠴᠡ ᠰᠢᠨᠡ ᠪᠠᠷ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠢ ᠣᠯᠭᠤᠨᠠ᠃ ᠂ 16 ᠪᠤᠶᠤ ᠲᠡᠭᠦᠨ ᠡᠴᠡ ᠳᠡᠭᠡᠭᠰᠢ ᠨᠠᠰᠤᠲᠠᠢ ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠭᠴᠢᠳ 2015 ᠣᠨ ᠦ 7 ᠰᠠᠷᠠᠢᠢᠨ 8 ᠬᠦᠷᠲᠡᠯᠡ*᠂ ᠬᠠᠷᠢᠨ 16 ᠡᠴᠡ ᠳᠣᠷᠤᠭᠰᠢ ᠨᠠᠰᠤᠨ ᠦ ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠭᠴᠢᠳ 2015 ᠣᠨ ᠦ 7 ᠰᠠᠷᠠᠢᠢᠨ 8 ᠶᠤᠮ ᠤᠤ ᠡᠰᠡᠪᠡᠯ 16 ᠨᠠᠰᠤᠨ ᠦ ᠪᠠᠨ ᠲᠥᠷᠦᠭᠰᠡᠨ ᠡᠳᠦᠷ ᠬᠣᠶᠠᠷ ᠤᠨ ᠠᠯᠢ ᠲᠦᠷᠦᠭᠦᠨ ᠦ ᠡᠳᠦᠷ ᠬᠦᠷᠲᠡᠯᠡ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠶᠢᠡᠨ ᠰᠣᠯᠢᠭᠰᠠᠨ ᠪᠠᠢᠢᠬᠤ ᠱᠠᠭᠠᠷᠳᠠᠯᠠᠭᠠ ᠲᠠᠢ᠃ * ᠠᠩᠬᠠᠷᠠᠭᠤᠯᠬᠤ ᠨᠢ: ᠲᠤᠰᠬᠠᠢ ᠠᠵᠢᠯᠯᠠᠭᠠᠨ ᠦ ᠣᠷᠤᠰᠢᠨ ᠰᠠᠭᠤᠬᠤ ᠡᠷᠭᠡ ᠪᠠᠷ 4 ᠵᠢᠯ ᠡᠰᠡᠪᠡᠯ 5 ᠵᠢᠯ ᠤᠨ ᠬᠤᠭᠤᠴᠠᠭᠠ ᠪᠠᠷ ᠣᠷᠤᠰᠢᠨ ᠰᠠᠭᠤᠬᠤ ᠬᠦᠮᠦᠰ ᠴᠦ ᠭᠡᠰᠡᠨ 2015 ᠣᠨ ᠦ 7 ᠰᠠᠷᠠᠢᠢᠨ 8 ᠡᠴᠡ ᠡᠮᠦᠨᠡ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠢ ᠰᠣᠯᠢᠨ ᠠᠪᠤᠭᠰᠠᠨ ᠪᠠᠢᠢᠬᠤ ᠱᠠᠭᠠᠷᠳᠠᠯᠠᠭᠠ ᠲᠠᠢ᠃ ᠅ ᠬᠢᠯᠪᠠᠷ ᠪᠣᠯᠬᠤ ᠵᠦᠢᠯ: ᠂ ᠫᠠᠰᠫᠣᠷᠲ ᠪᠣᠯᠤᠨ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠲᠠᠢ ᠢᠷᠭᠡᠳ ᠨᠢᠭᠡ ᠵᠢᠯ ᠤᠨ ᠳᠣᠲᠤᠷᠠ ᠶᠠᠫᠤᠨ ᠳᠤ ᠡᠷᠬᠢᠨ ᠢᠷᠡᠬᠦ ᠪᠤᠶᠤ ᠪᠠᠢᠢᠵᠤ ᠪᠣᠯᠬᠤ ᠵᠥᠪᠰᠢᠶᠡᠷᠡᠭᠳᠡᠭᠰᠡᠨ ᠬᠤᠭᠤᠴᠠᠭᠠᠨ ᠳᠠᠭᠠᠨ * ᠪᠤᠴᠠᠵᠤ ᠢᠷᠡᠬᠦ ᠳᠣᠬᠢᠶᠠᠯ ᠳᠤ ᠵᠠᠪᠠᠯ ᠳᠠᠬᠢᠨ ᠣᠷᠤᠬᠤ ᠵᠥᠪᠰᠢᠶᠡᠷᠡᠯ ᠢ ᠠᠪᠬᠤ ᠱᠠᠭᠠᠷᠳᠠᠯᠠᠭᠠ ᠦᠭᠡᠢ᠃ ᠭᠡᠪᠡᠴᠦ᠂ ᠬᠦᠴᠦᠨ ᠲᠠᠢ ᠬᠤᠭᠤᠴᠠᠭᠠᠨ ᠳᠠᠭᠠᠨ ᠡᠷᠬᠢᠨ ᠣᠷᠤᠵᠤ ᠢᠷᠡᠬᠦ ᠦᠭᠡᠢ ᠪᠣᠯ ᠣᠷᠤᠰᠢᠨ ᠰᠠᠭᠤᠬᠤ ᠡᠷᠭᠡ ᠪᠠᠨ ᠠᠯᠳᠠᠬᠤ ᠪᠣᠯᠤᠨᠠ᠃ ᠳᠠᠬᠢᠪᠠᠯ᠂ ᠬᠦᠴᠦᠨ ᠲᠠᠢ ᠬᠤᠭᠤᠴᠠᠭᠠ ᠪᠠᠨ ᠤᠯᠤᠰ ᠤᠨ ᠭᠠᠳᠠᠭᠠᠳᠤ ᠪᠠᠢᠢᠬᠤ ᠳᠠᠭᠠᠨ ᠤᠷᠲᠤᠳᠬᠠᠵᠤ ᠳᠡᠢᠢᠯᠦᠬᠦ ᠦᠭᠡᠢ ᠶᠢ ᠠᠩᠬᠠᠷᠤᠭᠠᠷᠠᠢ᠃ * ᠠᠩᠬᠠᠷᠠᠭᠤᠯᠬᠤ ᠨᠢ: ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠬᠴᠢᠳ ᠪᠣᠯ᠂ 2 ᠵᠢᠯ ᠤᠨ ᠳᠣᠲᠤᠷᠠ ᠬᠦᠴᠦᠨ ᠲᠠᠢ ᠶᠤᠮ᠃ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠭᠡᠷᠡᠴᠢᠯᠡᠯᠭᠡ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠺᠠᠷᠲ ᠪᠤᠶᠤ ᠪᠠᠢᠢᠩᠭᠤ ᠣᠷᠤᠰᠢᠨ ᠰᠠᠭᠤᠭᠴᠢ ᠶᠢᠨ ᠭᠡᠷᠡᠴᠢ ᠲᠠᠢ ᠬᠦᠮᠦᠰ ᠲᠤ ᠪᠣᠯ᠂ ᠰᠠᠭᠤᠵᠤ ᠪᠠᠢᠢᠭᠠ ᠲᠤᠬᠠᠢ ᠶᠢᠨ ᠬᠣᠲᠠ ᠲᠣᠭᠣᠷᠢᠭ ᠡᠴᠡ᠂ ᠶᠠᠫᠤᠨ ᠬᠦᠮᠦᠨ ᠲᠠᠢ ᠠᠳᠠᠯᠢᠬᠠᠨ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠭᠡᠷᠡᠴᠢᠯᠡᠯᠭᠡ ᠭᠠᠷᠭᠠᠵᠤ ᠥᠭᠬᠦ ᠪᠣᠯᠤᠨᠠ᠃ ᠅ ᠮᠡᠳᠡᠭᠡᠯᠡᠬᠦ ᠠᠭᠤᠯᠭᠠ: ᠭᠠᠳᠠᠭᠠᠳᠤ ᠢᠷᠭᠡᠨ ᠦ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠭᠡᠷᠡᠴᠢᠯᠡᠯᠭᠡᠨ ᠳᠤ᠂ ᠣᠪᠤᠭ ᠨᠡᠷᠡ᠂ ᠲᠥᠷᠦᠭᠰᠡᠨ ᠣᠨ ᠰᠠᠷᠠ ᠡᠳᠦᠷ᠂ ᠬᠦᠢᠰᠦ᠂ ᠬᠠᠶᠢᠭ ᠡᠴᠡ ᠭᠠᠳᠠᠨᠠ᠂ ᠤᠯᠤᠰ ᠣᠷᠤᠨ᠂ ᠣᠷᠤᠰᠢᠨ ᠰᠠᠭᠤᠬᠤ ᠡᠷᠭᠡ᠂ ᠣᠷᠤᠰᠢᠨ ᠰᠠᠭᠤᠬᠤ ᠬᠤᠭᠤᠴᠠᠭᠠ ᠵᠡᠷᠭᠡ ᠶᠢᠨ ᠮᠡᠳᠡᠭᠡᠯᠡᠯ ᠢ ᠪᠠᠭᠳᠠᠭᠠᠨᠠ᠃ ᠅ ᠰᠠᠭᠤᠭᠠᠯᠢ ᠠᠷᠠᠳ ᠤᠨ ᠭᠡᠷᠡᠴᠢᠯᠡᠯᠭᠡᠨ ᠦ ᠬᠠᠭᠤᠯᠪᠤᠷᠢ ᠶᠢ ᠠᠪᠬᠤ: ᠥᠪᠡᠷ ᠤᠨ ᠰᠠᠭᠤᠵᠤ ᠪᠠᠢᠢᠭᠠ ᠲᠤᠬᠠᠢ ᠶᠢᠨ ᠬᠣᠲᠠ᠂ ᠲᠣᠭᠣᠷᠢᠭ ᠤᠨ ᠶᠢᠡᠨ ᠵᠠᠬᠢᠷᠭᠠᠨ ᠡᠴᠡ ᠶᠠᠫᠤᠨ ᠬᠦᠮᠦᠨ ᠲᠠᠢ ᠠᠳᠠᠯᠢᠬᠠᠨ ᠶᠢᠡᠷ ᠠᠪᠴᠤ ᠪᠣᠯᠤᠨᠠ᠃ ᠳᠡᠯᠭᠡᠷᠡᠩᠭᠦᠢ ᠠᠭᠤᠯᠭᠠ ᠶᠢ PDF ᠹᠠᠢᠢᠯ ᠶᠢᠡᠷ ᠲᠠᠲᠠᠵᠦ ᠪᠣᠯᠤᠨᠠ᠃ ᠤᠯᠤᠰ ᠲᠤ ᠣᠷᠤᠬᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠣᠪᠴᠢᠶᠠ ᠶᠢᠨ ᠰᠦᠯᠵᠢᠶᠡᠨ ᠡᠴᠡ ᠣᠷᠴᠢᠭᠤᠯᠤᠨ ᠪᠠᠭᠤᠯᠭᠠᠪᠠ᠃